គម្រោង វណ្ណ ម៉ូលីវណ្ណ៖ រោងជាងវិស្សមកាល ២០១៥

មិថុនា – កញ្ញា

ភ្នំពេញ ប្រទេសកម្ពុជា

បើកពីថ្ងៃអង្គារដល់ថ្ងៃសៅរ៍ ពីម៉ោង១០ ព្រឹក ដល់ ៥ ល្ងាច ពីថ្ងៃទី៨ មិថុនា ដល់ ៥ កញ្ញា ២០១៥ នៅ ស ស បាសាក់។

គម្រោង វណ្ណ ម៉ូលីវណ្ណ៖ រោងជាងវិស្សមកាល ២០១៥ គឺជាកម្មវិធីមួយដែល អនុញ្ញាតអោយ សាធារណៈជនទូទៅអាចចូលរួមបាន។ និស្សិត និងអ្នកស្រាវជ្រាវនឹងធ្វើការនៅក្នុងសាល ដែលមានការតាំងពិពណ៌ រយៈពេល ៣ខែ។ ដែលពិពណ៌នេះនឹងបង្ហាញពីការប្រែប្រួល ជាបន្តបន្ទាប់អំពីប្លង់ និង គំរូស្ថាបត្យកម្ម  ដែលទាក់ទងនឹងលោក វណ្ណ ម៉ូលីវណ្ណ។ កន្លែង នេះបើកសម្រាប់ សាធារណៈជន។

ទស្សនិកជនទៅ ស ស បាសាក់ អាចជួបនិងនិយាយជាមួយនិស្សិត និង អ្នកស្រាវជ្រាវនៅក្នុង រោងជាង និងតាមរយៈកម្មវិធីសាធារណៈ។

ក្នុងគម្រោង វណ្ណ ម៉ូលីវណ្ណ៖ រោងជាងវិស្សមកាល ២០១៥ និស្សិតពីសាកលវិទ្យាល័យវិចិត្រ សិល្បៈ និង សាកលវិទ្យាល័យន័រតុននៅភ្នំពេញ និងParsons The New School For Design នឹងធ្វើការងារទៅលើផ្នែកមួយចំនួន ដូចខាងក្រោម៖

·       ពង្រីកបន្ថែមនូវប្លង់ស្ថាបត្យកម្មអាគារ។

·       ការចងក្រងឯកសារបន្ថែមទៀត ដែលរួមបញ្ចូល៖

1.     អតីត វិទ្យាសា្ថនប៉ាស្ទ័រ

2.    អតីត រោងភាពយន្តកាពីតូល

3.    អាគារមួយចំនួនក្នុងទីតាំងសាកលវិទ្យាល័យភ្នំពេញ

4.     រាជដំណាក់នៅក្រុងព្រះសីហនុ។

·      បំលែងប្លង់ស្ថាបត្យកម្មពីកម្មវិធី AutoCAD ទៅជាបណ្ណាសារ PDF ដែលអាចទាញយកបាននៅលើគេហទំព័រ www.vannmolyvannproject.org និងឯកសារមួយច្បាប់ តម្កល់នៅបណ្ណាល័យនៃមជ្ឈមណ្ឌលខេមរសិក្សា។ សម្ភារៈទាំងនេះនឹងប្រើជាមូលដ្ឋានសម្រាប់ការតាំងពិពណ៌និងការបោះពុម្ពផ្សាយ ក្នុង ពេលអនាគត។

·      ផលិតគំរូ នៃពហុកីឡាដ្ឋានជាតិអូឡាំពិច ដោយផ្អែកលើប្លង់ដែលមានស្រាប់។

·      សម្ភាស និងកត់ត្រាប្រវត្តិសាស្ត្រផ្ទាល់មាត់អំពីអ្នករស់នៅខាងក្នុង  និងប្រើប្រាស់ អាគាររបស់ លោក វណ្ណ ម៉ូលីវណ្ណ។

·      ផលិតគំរូនិងប្លង់ស្ថាបត្យកម្មសម្រាប់ការរៀបចំពិពណ៌ទាំងនៅថ្នាក់ជាតិនិង អន្តរជាតិ។

ទស្សនិកជនមកកាន់ គម្រោង វណ្ណ ម៉ូលីវណ្ណ៖ រោងជាងវិស្សមកាល ២០១៥ ត្រូវបានអញ្ជើញឲ្យ មើលពិពណ៌ដែលបង្ហាញពីការប្រែប្រួលជាបន្តបន្ទាប់អំពីគម្រូស្ថាបត្យកម្ម ការគូរប្លង់ ផ្នែកព័ត៌មាន ផែនទី និងសង្កេតមើលដំណើរការនៃ និស្សិតដែលចូលរួម នៅក្នុងគម្រោង។ បរិបទនិង បទពិសោធន៍បន្ថែមទៀត ក៏ត្រូវបានផ្តល់ជូនតាមរយៈ ឯកសារមួយចំនួនមានដូចជា សៀវភៅ និងភាពយន្តអំពីសម័យសង្គមរាស្ត្រនិយម។ យើងក៏មានកម្មវិធីសាធារណៈនៅទីកន្លែងរោងជាងផ្ទាល់ និងនៅទីកន្លែងផ្សេងៗ ដទៃទៀត។

គម្រោង វណ្ណ ម៉ូលីវណ្ណ៖ រោងជាងវិស្សមកាល ២០១៥ ប្រសិនបើអ្នកមានចំណាប់អារម្មណ៍ចំពោះគម្រោងនេះ សូមមេត្តា ទំនាក់ទំនង ។ 

គម្រោង វណ្ណ ម៉ូលីវណ្ណ៖ រោងជាងវិស្សមកាល ២០១៥ សូមថ្លែងអំណរគុណចំពោះស្ថាប័នដៃគូដែលជួយឧបត្ថម្ភនៅក្នុងប្រទេសកម្ពុជា និងស្ថាប័នដៃគូនៅសហរដ្ឋអាមេរិច៖

អំណរគុណចំពោះដៃគូរសហការ៖